Юртимизда меҳнат қилаётган қайси
соҳа ходими бўлмасин, ўзининг меҳнатидан кўнгли тўқ, қадри-қиммати баланд.
Гулистон туман йўл қурилиш бошқармаси ишчи-ходимлари ҳар йили республиканинг
турли тарихий шаҳарларига маданий ҳордиқ чиқариш мақсадида саёҳатлар ташкил
этишади. Яқинда ташкилот ходимлари қўшни Қозоғистон Республикасида жойлашган Туркистон
зиёратгоҳида бўлиб келишди.
Ота-боболаримиз томонидан XI-XIV асрларда бунёд этилган осмонўпар тарихий
мавзолейлар барчани ҳайратга солди. Зиёратчилар “Робия Султон Бегим”, Хожа
Ахмад Яссавий, Арслонбоб мавзолейларини катта
қизиқиш билан томоша қилишди ва улуғлар ҳақига тиловат
туширишди.
— Юртимизда яшаб ўтган азиз авлиёларнинг
зиёрати кишига енгиллик бағишлаши рост,- деди ушбу саёҳатни уюштиришда бош-қош
бўлган бошланғич касаба уюшма ташкилоти
раҳбари Ж.Раҳмонқулов. — Зиёрат асносида юртимизнинг турли гўшаларидаги
ободонлаштириш ишлари билан танишасиз. Бу йилнинг ўзида жамоамиз билан Бухоро,
Самарқанд каби тарихий шаҳарларда
саёҳатда бўлдик. Бунинг учун Юртбошимизга чексиз миннатдорчилик билдирамиз.
Айниқса, Хитойда ишлаб чиқарилган янги автобусда олис йўл чарчоғини асло сезмадик. Шаҳарлараро йўлга қўйилган
бундай замонавий автобуслар барча қулайликларга эгалиги йўловчиларни
қувонтириши аниқ.
Ш.АБДУСАИДОВА
Комментариев нет:
Отправить комментарий